بعد مرور 4 أشهر : “إمّك بيّك إختك وعمتك إهتروا عيونن من البكي” … من دايفيد لرالف: قرّب العيد وانت هالسنة مش معنا يا خيّي!

لبنان 4 كانون الأول, 2020

نشر دايفيد ملاحي شقيق الشهيد رالف ملاحي في حسابه الخاص عبر موقع انستغرام صورة لشقيقه الشاب في الذكرى الرابعة لانفجار مرفأ بيروت.

وكتب دايفيد: “صاروا ٤ شهور يا خيّي.

صاروا ٤ شهور يا خيّي مش سامع صوتك…

صاروا ٤ شهور يا خيّي مش شايف شكلك وعيونك يلّي يقبروا قلبي من لون السما…

صاروا ٤ شهور يا خيّي مش شامم ريحتك…

آخ يا رورو والله بعدنا بحلم مش مصدقين…

قرّب العيد وانت هالسنة مش معنا يا خيّي، عم صلّي ما يجي هالنهار كرمال ما نوعى عالحقيقة المرة وإنو نحنا مش ب حلم !

إمّك، بيّك، إختك وعمتك إهتروا عيونن من البكي …

وأنا بعدني ناطرك يا خيّي

لا عم نعرف ناكل ولا نحكي ولا عم نعرف نضحك ولا عم نعرف نعمل شي، وصورتك ما عم تفارقنا يا خيّي…

بفتخر قدّام كل العالم بس حدا يعيّطلي “رالف” بالغلط أو يقلّي خيّو للبطل الشهيد “رالف” لأنو صدِّق يا تقبرني انت وإخواتك التسعة .. الوحيدين يلّي جرّبتوا تعملوا شي بهالبلد! نزلتوا كرمال اتطفّوا حريق، قاموا حرقولنا قلبنا يا خيّي على فراقكن…

بطلب منّك يا خيّي القديس، بس تردّلن ولادن ل يلّي كانوا السبب … مشقفين ومش باقي منن لا شقفة ولا عضمة.

آخر شي يا خيّي بدّي قلّك انت كنت

عيوني وقلبي وروحي ونقطة ضعفي ورح تضلّ هيك لآخر ثانية من عمري يا قلب قلبي انت…”.

VDLNEWS

مواضيع متعلقة:

طرابلسي: إهمال الجامعة اللبنانية يعرضها لخطر الإقفال

غرّد النائب ادغار طرابلسي عبر "تويتر": "الجامعة اللبنانية هي جامعة الوطن. إهمالها وإهمال أهلها يعرضها لخطر الإقفال. هذه جريمة بحق المزيد

هل نودّع الكمامة قريباً في لبنان؟

أكد وزير الصحة العامة فراس الأبيض أن "صحة المواطن والبلد ككل تخيم عليها غمامة سوداء، وعلينا جميعاً كحكومة او مواطنين المزيد

صندوق الزكاة في لبنان يطلق حملته الاعلانيةالسنوية: الناس للناس والزكاة هي الأساس

أطلق صندوق الزكاة في لبنان حملته الاعلانية السنوية الخاصة بآداء فريضة الزكاة، الركن الثالث من اركان الاسلام. وتتميز الحملة لهذا المزيد

بعد 7 أيام من البحث… العثور على جثة طفل في صيدا

عثر على جثة طفل سوري في نهر الاولي - صيدا بعد ٧ أيام من البحث المتواصل. MTV